“Cas Speransa Nobo ta un di e partnernan fuerte aki na Aruba”

“Teen Challenge Aruba tin como 18 aña ta operando. For di aña 1999 nos a cuminsa cu e proyecto. Teen Challenge ta traha den colaboracion cu Cas Speransa Nobo y ta esun cu tin cu bay ehecuta e curiculo pa Cas Speransa Nobo.” Pakico Cas Speransa Nobo “Cas Speransa Nobo ta un di e partnernan fuerte aki na Aruba. Nos ta traha cu diferente partner aki na Aruba, pero Cas Speransa Nobo tin un tremendo vision, un tremendo structura y infrastructura tambe pa haci esaki posibel. Tipo di colaboracion asina por aporta grandemente pa Aruba.”

Sr. Freddy Biesum Director Teen Challenge Aruba

“Nos, hunto cu Cas Speransa Nobo, a logra haya un director cu ta bin for di Memphis, Tennessee – Shawn y Shanon Blankenship – y nan ta bin pa entrena un ekipo di Aruba pa kisas 2 of 3 aña pa forma un staff cu ta di Aruba mes cu lo sigui ehecuta e trabou den futuro.”

Problema ta grandi na Aruba “Statistica ta mustra cu e problema ta grandi tanto den hende homber, como den hende muhe y edad a baha cerca e hobennan. Edad mas hoben cu nos tin documenta cerca nos ta ocho (8) aña,” Biesum a comparti. Tipo di droga mas alarmante “Na Aruba ta uza hopi Crack, e ta mas barata pero ta hopi dañino y ta haci e persona bira adicto hopi lihe. Un persona adicto na crack ta dura hopi mas tempo pa e recupera.

Boluntad propio “Na prome luga, e persona mester kier. Si e persona kier y ta bin di su curason unda e ta bisa, “Mi kier, mi ta cansa di e droga aki, mi kier bin y cambia mi bida,” ya e ta 50% ariba bon caminda. E otro 50%, e ta haya den e centro, unda e ta haya e programa y tur tratamento necsario. E persona mester ta suficientemente motiva, determina cu e kier un bida nobo.

Cas Speransa Nobo lo tin nan procedura di evaluacion, unda ta evalua entre otro nan motivacion y si e persona berdaderamente kier cambia, e porta ta habri.”

Haya sa mas tocante Cas Speransa Nobo, bishita nan website www.cassperansa.org