E abreviacion di H.O.P.E. ta para pa e palabranan:

Honor, Oportunidad, Productividad y Excelencia.

E ta trata di ciudadanonan Honorabel cu ta haci uzo di cada Oportunidad pa haci bon y cu ta Productivo pa e bienestar di otronan, nos nacion y cu ta haci esaki cu Excelencia.

HopeAruba – E Movemento ta un causa y un yamada na tur e yiu hombernan y yiu muhenan di e tera aki, esnan cu ta yame nan hogar y esnan cu ta bishita nos costanan pa ta parti di e transformacion di Aruba.
Cada un di nos ta contene un pida, un parti, un yabi di loke ta necesario. HopeAruba ta provee un plataforma nacional pa sinergia civico. Un plataforma pa e colaboracion di ciudadanonan y bishitantenan pa e bienestar di nos nacion. Nos por, Nos mester… pa nos nacion, nos bidanan y e generacion cu ta lantando.