BALORNAN
Nos balornan ta establece nos identidad cultural.
Pa ta berdaderamente un gran nacion, Aruba mester tin un identidad nacional; hunto nos por forma un identidad nacional door di crea balornan comparti. Ora nos contribui na e creacion di balornan comparti, nos ta contribuyendo na e grandesa di nos nacion. Ora nos actua y comporta nos mes segun e balornan ey, nos TA dunando honor na nos gran nacion!
Nos Balornan - Nos balornan ta establece nos identidad cultural
Individuonan, famianan, comunidadnan y e nacion ta transforma pa medio di balornan comparti y respalda colectivamente
Roy Disney a bisa: “No ta duro pa tuma decisionnan ora bo sa kico bo balornan ta.” Balornan ta manera un compas pa bida, nan ta mustra bo e rumbo corecto, e direccion corecto, e escogencia corecto ora bo ta na un crusada. Ken nos ta como un pueblo ta wordo determina door di kico nos ta balora. E suma di nos balornan ta duna nos un identidad cultural. Ken nos ta como pueblo? Kico ta e esencia di nos creencia? Door di determina esaki hunto y despues permanece fiel na dje… diariamente, lo yuda nos tuma decisionnan tocante con nos lo actua, comporta nos mes of con nos lo trata otronan. Ban dicidi awe pa añadi na nos historia y cultura rico pa ta un pueblo di virtud - ban scoge loke nos ta balora y ban bibe!
Con H.O.P.E. lo mustra
Ora balornan ta establece un Identidad Cultural
Un Aruba:
-
Cu tin un identidad nacional cu balornan comun y metanan comun.
-
Cu ta wordo goberna door di lidernan di bon boluntad, integridad, y ser servicial.
-
Caminda negoshinan ta wordo conduci den maneranan honorabel y etico.
-
Kende su sociedad ta construi riba un fundeshi di balornan solido.
-
Caminda balornan ta wordo siña y duna como training, no solamente na cas, pero tambe na scolnan, negoshinan, centronan di rehabilitacion, ministerionan, institucionnan coreccional, etc.
-
Caminda tur individuo ta acepta y trata husto.
-
Caminda balornan ta contribui na un nacion cu ta prospero y liber.
-
Cu ta promove institucionnan cu ta inclusivo y cu ta promove paz y husticia.
-
Caminda hende muhe y muchanan muhe ta wordo podera pa exito.
Emanuell Smidt y Tabitha Smidt-Heemstadt
Coordinadornan HopeAruba - E Movemento
Area di Exito: BALORNAN
Emanuell Smith a nace dia 10 di Januari 1982 na St Maarten. E ta e prome di cinco yiu. Su mayornan a siñe pa ta un homber cariñoso, respetuoso y un cu ta traha duro.
Durante su hubentud, e tawata parti di diferente organisacionnan variando for di gruponan politico di hobennan, pa gruponan musical y organisacionnan di obranan di caridad. El a studia pa ta un Tecnico na Hulanda, sinembargo, su pasion ta den creacion di Media. E ta un empresario, musico, consehero, mentor, pastor y consehero di Media.
Tabitha Smith-Heemstadt a nace na San Nicolas, Aruba dia 26 di Juni, 1982. E ta yiu muhe
y e prome di tres yui di ministronan Frederick y Patricia Heemstadt (q.e.p.d.). Ambos tabata pastornan conoci cu a sirbi y duna nan tempo completo pa 40 aña den ministerio riba nos isla. Tabitha a lanta cu balornan hopi fuerte. Esaki ta loke a forma su caracter y a haciele e muhe fuerte y independiente cu e ta awe. Biniendo di un lineahe di un famia hopi musical, Tabitha tambe ta miho conoci pa su talentonan musical. Su experencia den musica ta core over di un periodo di mas cu 30 aña caminda el a guia gruponan musical, dirigi coronan y gruponan musical nacionalmente y internacionalmente.
Tabitha su studio vocacional a guia na un carera professional como maestra di scol na Hulanda. Su passion pa hobenan y nan bienestar tabata su puntonan mas fuerte den esaki. Desde e tempo ey e ta forma un parti activo y crusial den diferente fundacionan y organisacionan; funcionando como parti di e directiva pa coordinador y administrador.
Tabitha tambe a sirbi como pastor,maestro, director musical, coordinadora y consehera y a hasi tur esaki pa motibo di un di su balornan personal principal; sirbi bo comunidad.
Emanuell y Tabitha Smith ta conoci como un pareha cu inspira hopi otronan y hunto nan ta mayornan di nan yui homber, Jahvier.
Conoce mas di Emanuell Smith & Tabitha Smith-Heemstadt den "A look at Myself" Series aki.
