INDIVIDUO
Individuonan ta bon y bon ekipa pa yega nan potencial maximo.
Pa yega na un futuro yena cu speransa, cual nos lo construi hunto, cada individuo mester yega/logra nan potencial maximo. Pa haci esey, cada persona mester ta bon, no solamente fisicamente y mentalmente, pero tambe relacionalmente, spiritualmente y financieramente. Añadi bo bos na locual e kemen pa individuonan ta bon y bon ekipa.
Individuo - Ta bon y ekipa pa yega nan potencial maximo
Individuonan ta bon y bon ekipa pa cumpli cu nan potencial y uza nan habilidadnan pa e bienestar comun
​
​
Nos ta kere cu tin gran cantidad di capital humano cu ta inactivo den nos Nacion. Nos tur ta comparti un destino comun como ciudadanonan di e pais aki cu consecuentemente ta wordo afecta ora cu e potencial di nos nacion ta frustra of no ta wordo utilisa na su potencial maximo.
Nos ta kere cu e cambio necesario pa nos pais prospera ta mas cu uno politico. Si nos como ciudadano no asumi nos responsabilidad; pa nos mes, nos famianan, nos comunidad y nos nacion, nos lo sigui haya e mesun resultadonan cu nos tin te awo. Nos ta kere cu COLABORACION y UNION di Vision y Proposito ta ingredientenan clave pa Cambio Social. Nos ta kere cu HOPEARUBA por ta un plataforma caminda individuonan, organisacionnan, institutonan y gruponan por uni y colabora.
​
Con H.O.P.E. lo mustra
Pa Individuonan
​
Un Aruba caminda Individuonan:
-
Ta pasiona la locual nan ta haci tur dia y ta motiva pa logra nan metanan.
-
Ta bon ekipa pa yega nan potencial maximo y tin acceso na educacion di calidad.
-
Ta altamente involucra den trabounan decente, ta emocionalmente inverti den locual nan ta haci y ta enfoca riba crea balornan pa medio di nan esfuersonan.
-
Tin mas energia pa acepta retonan, aumenta nan productividad, y influencia esnan rond di nan positivamente.
-
Tin suficiente entrada pa biba nan estilo di bida desea pa resto di nan bida sin ansiedad, y ta capas pa yuda otronan prospera.
-
Ta compronde nan situacion financiero y tin e hermentnan pa prospera.
-
Ta plania pa bay cu pension.
-
No solamente tin speransa, soñonan y metanan financiero, pero tambe un plan pa logra alcansa nan.
-
Ta biba un estilo di bida saludabel y activo pa stimula bienestar fisico y mental, p.e., ta den posesion di un bon salud y bienestar.
​
​
​
​
​
​
​
​
​
​
​
​
Sharleen Tromp ta un “Certified Personality Trainer & Communicator”, “Certified Strength Coach” i un “Career Strategist”. E tin su Grado Bachierato den Enseñansa Didactico Pedagogico y e ta un graduado di grado Master Internacional for di La Red Business Network den e enseñansa di "Principionan y Balornan." E ta un cu ta desaroya training, bukinan di texto y metodonan uza den areglonan educacional y e ta e Fundador, Project Manager y Coordinador di e proyecto hubenil “CrossRoad”. Un proyecto basa riba e edificacion di caracter, talentonan y habilidadnan. E tawata parti di e Maneho di Evento & Coordinacion di e seminario di Liderazgo di “Maestronan di Excelencia” cu e orado principal John C. Maxwell na 2011, y tambe e tawata parti di e Maneho di Evento & Coordinacion di TEDx Youth Aruba na 2015. E tin un grado Bachierato den Maneho
Financiero y e ta un maestra den Accounting y Economia. Sharleen ta e Fundador y Directora di InSync Coach Aruba, cual ta un organisacion cu ta educa y ekipa gruponan di hende y organisacionnan pa maximalisa nan potencial, capitalisa nan fortalesanan y bira lidernan di cambionan structural social.
Conoce mas di Sharleen Tromp den "A look at Myself" Series aki.
SHARLEEN TROMP
Coordinador, HopeAruba - E Movemento
Area di Exito: INDIVIDUO
